ဓမ္မဒါန

ပရာဘဝသုတ်

ပရာဘဝသုတ္တံ

နိဒါန်း

ဧဝံ မေ သုတံ – ဧကံ သမယံ ဘဂဝါ သာဝတ္ထိယံ ဝိဟရတိ ဇေတဝနေ အနာထပိဏ္ဍိကဿ အာရာမေ။ အထ ခေါ အညတရာ ဒေဝတာ အဘိက္ကန္တာယ ရတ္တိယာ အဘိက္ကန္တဝဏ္ဏာ ကေဝလကပ္ပံ ဇေတဝနံ ဩဘာသေတွာ ယေန ဘဂဝါ တေနုပသင်္ကမိ; ဥပသင်္ကမိတွာ ဘဂဝန္တံ အဘိဝါဒေတွာ ဧကမန္တံ အဋ္ဌာသိ။ ဧကမန္တံ ဌိတာ ခေါ သာ ဒေဝတာ ဘဂဝန္တံ ဂါထာယ အဇ္ဈဘာသိ –

မြန်မာပြန်

အကျွန်ုပ်သည် ဤသို့ ကြားနာခဲ့ရပါသည်- အခါတစ်ပါး၌ မြတ်စွာဘုရားသည် သာဝတ္ထိပြည် အနာထပိဏ်သူဌေး၏ အရံဖြစ်သော ဇေတဝန်ကျောင်း၌ သီတင်းသုံးနေတော်မူ၏၊ ထိုအခါ နတ်သားတစ်ယောက်သည် ညဉ့်ဦးယံ လွန်ပြီးသော သန်းခေါင်ယံအခါ၌ အလွန်နှစ်လိုဖွယ်ကောင်းသော အဆင်းရှိသည်ဖြစ်၍ ဇေတဝန်တစ်ကျောင်းလုံးကို ထွန်းလင်းစေလျက် မြတ်စွာဘုရားထံသို့ ချဉ်းကပ်ပြီးလျှင် မြတ်စွာဘုရားကို ရှိခိုးကာ တစ်ခုသောနေရာ၌ ရပ်တည်ပြီးသော် မြတ်စွာဘုရားအား ဤဂါထာဖြင့် လျှောက်၏-

အပိုဒ် ၉၁

‘‘ပရာဘဝန္တံ ပုရိသံ၊ မယံ ပုစ္ဆာမ ဂေါတမ။

ဘဂဝန္တံ ပုဋ္ဌုမာဂမ္မ၊ ကိံ ပရာဘဝတော မုခံ’’။

မြန်မာပြန်

“အသျှင်ဂေါတမ ပျက်စီးဆုတ်ယုတ်နေသော ယောက်ျားအကြောင်းကို အကျွန်ုပ်တို့ မေးလျှောက်ပါကုန်၏၊ အသျှင်ဘုရားကို မေးလျှောက်ရန် လာကြပါကုန်၏၊ ပျက်စီးဆုတ်ယုတ်ကြောင်းကား အဘယ်ပါနည်း။ (၁)

အပိုဒ် ၉၂

‘‘သုဝိဇာနော ဘဝံ ဟောတိ၊ သုဝိဇာနော ပရာဘဝေါ။

ဓမ္မကာမော ဘဝံ ဟောတိ၊ ဓမ္မဒေဿီ ပရာဘဝေါ’’။

မြန်မာပြန်

ကြီးပွါးသူကိုလည်း သိရန် လွယ်ကူလှပေ၏၊ ပျက်စီးဆုတ်ယုတ်သူကိုလည်း သိရန် လွယ်ကူလှပေ၏၊ တရားကို လိုလားတောင့်တသူသည် ကြီးပွါးရ၏၊ တရားကို မလိုလား မတောင့်တ မုန်းထားသူသည် ပျက်စီးရ၏။ (၂)

အပိုဒ် ၉၃

‘‘ဣတိ ဟေတံ ဝိဇာနာမ၊ ပဌမော သော ပရာဘဝေါ။

ဒုတိယံ ဘဂဝါ ဗြူဟိ၊ ကိံ ပရာဘဝတော မုခံ’’။

မြန်မာပြန်

ထိုအကြောင်းသည် ပဌမဖြစ်သော ပျက်စီးဆုတ်ယုတ်ကြောင်းဟု အကျွန်ုပ်တို့ သိရပါကုန်၏၊ မြတ်စွာဘုရား ဒုတိယဖြစ်သော ပျက်စီးဆုတ်ယုတ်ကြောင်းကို ဟောတော်မူပါ၊ ဒုတိယဖြစ်သော ပျက်စီးဆုတ်ယုတ်ကြောင်းကား အဘယ်ပါနည်း။ (၃)

အပိုဒ် ၉၄

‘‘အသန္တဿ ပိယာ ဟောန္တိ၊ သန္တေ န ကုရုတေ ပိယံ။

အသတံ ဓမ္မံ ရောစေတိ၊ တံ ပရာဘဝတော မုခံ’’။

မြန်မာပြန်

ထိုသူသည် သူတော်မဟုတ် သူယုတ်မာတို့ကို ချစ်ခင်မြတ်နိုး၏၊ သူတော်ကောင်းတို့ကို ချစ်ခင်မြတ်နိုးမှု မပြု၊ သူယုတ်မာတို့၏ တရားကို နှစ်သက်မြတ်နိုး၏၊ ထိုသုံးမျိုးသည် ပျက်စီးဆုတ်ယုတ်ကြောင်းပေတည်း။ (၄)

အပိုဒ် ၉၅

‘‘ဣတိ ဟေတံ ဝိဇာနာမ၊ ဒုတိယော သော ပရာဘဝေါ။

တတိယံ ဘဂဝါ ဗြူဟိ၊ ကိံ ပရာဘဝတော မုခံ’’။

မြန်မာပြန်

ထိုအကြောင်းသည် ဒုတိယဖြစ်သော ပျက်စီးဆုတ်ယုတ်ကြောင်းဟု အကျွန်ုပ်တို့ သိရပါကုန်၏၊ မြတ်စွာဘုရား တတိယဖြစ်သော ပျက်စီးဆုတ်ယုတ်ကြောင်းကို ဟောတော်မူပါ၊ တတိယဖြစ်သော ပျက်စီးဆုတ်ယုတ်ကြောင်းကား အဘယ်ပါနည်း။ (၅)

အပိုဒ် ၉၆

‘‘နိဒ္ဒာသီလီ သဘာသီလီ၊ အနုဋ္ဌာတာ စ ယော နရော။

အလသော ကောဓပညာဏော၊ တံ ပရာဘဝတော မုခံ’’။

မြန်မာပြန်

အကြင်သူသည် အိပ်စက်ငိုက်မျဉ်းလေ့ရှိ၏၊ အပေါင်းအဖော်၌ မွေ့လျော်လေ့ စကားပြောမှု၌ မွေ့လျော်လေ့ရှိ၏၊ နိုးကြားထကြွမှုမရှိ ပျင်းရိ၏၊ လျင်စွာ အမျက်ထွက်လေ့ရှိ၏၊ ထိုသူ၏ ထိုအကြောင်းငါးမျိုးသည် ပျက်စီးဆုတ်ယုတ်ကြောင်းပေတည်း။ (၆)

အပိုဒ် ၉၇

‘‘ဣတိ ဟေတံ ဝိဇာနာမ၊ တတိယော သော ပရာဘဝေါ။

စတုတ္ထံ ဘဂဝါ ဗြူဟိ၊ ကိံ ပရာဘဝတော မုခံ’’။

မြန်မာပြန်

ထိုအကြောင်းသည် တတိယဖြစ်သော ပျက်စီးဆုတ်ယုတ်ကြောင်းဟု အကျွန်ုပ်တို့ သိရပါကုန်၏၊ မြတ်စွာဘုရား စတုတ္ထဖြစ်သော ပျက်စီးဆုတ်ယုတ်ကြောင်းကို ဟောတော်မူပါ၊ စတုတ္ထဖြစ်သော ပျက်စီးဆုတ်ယုတ်ကြောင်းကား အဘယ်ပါနည်း။ (၇)

အပိုဒ် ၉၈

‘‘ယော မာတရံ ပိတရံ ဝါ၊ ဇိဏ္ဏကံ ဂတယောဗ္ဗနံ။

ပဟု သန္တော န ဘရတိ၊ တံ ပရာဘဝတော မုခံ’’။

မြန်မာပြန်

အကြင်သူသည် အိုမင်း၍ ပစ္ဆိမအရွယ်သို့ ရောက်ပြီးသော အမိကိုလည်းကောင်း၊ အဖကိုလည်းကောင်း ကျွေးမွေးပြုစုနိုင်စွမ်းသူ ဖြစ်ပါလျက် မကျွေးမွေး မပြုစုပေ၊ ထိုသူ၏ မကျွေးမွေးမပြုစုခြင်းသည် ပျက်စီးဆုတ်ယုတ်ကြောင်းတည်း။ (၈)

အပိုဒ် ၉၉

‘‘ဣတိ ဟေတံ ဝိဇာနာမ၊ စတုတ္ထော သော ပရာဘဝေါ။

ပဉ္စမံ ဘဂဝါ ဗြူဟိ၊ ကိံ ပရာဘဝတော မုခံ’’။

မြန်မာပြန်

ထိုအကြောင်းသည် စတုတ္ထဖြစ်သော ပျက်စီးဆုတ်ယုတ်ကြောင်းဟု အကျွန်ုပ်တို့ သိရပါကုန်၏၊ မြတ်စွာဘုရား ပဉ္စမဖြစ်သော ပျက်စီးဆုတ်ယုတ်ကြောင်းကို ဟောတော်မူပါ၊ ပဉ္စမဖြစ်သော ပျက်စီးဆုတ်ယုတ်ကြောင်းကား အဘယ်ပါနည်း။ (၉)

အပိုဒ် ၁၀၀

‘‘ယော ဗြာဟ္မဏံ သမဏံ ဝါ၊ အညံ ဝါပိ ဝနိဗ္ဗကံ။

မုသာဝါဒေန ဝဉ္စေတိ၊ တံ ပရာဘဝတော မုခံ’’။

မြန်မာပြန်

အကြင်သူသည် ဗြာဟ္မဏကိုလည်းကောင်း၊ သမဏကိုလည်းကောင်း၊ ထိုမှတစ်ပါးသော ဖုန်းတောင်းယာစကာကိုလည်းကောင်း ပစ္စည်းလေးပါးဖြင့် ဖိတ်ကြားပြီးဖြစ်လျက် မုသားပြောဆိုခြင်းဖြင့် လှည့်ပတ်၏၊ ထိုသူ၏ ထိုလှည့်ပတ်ခြင်းသည် ပျက်စီးဆုတ်ယုတ်ကြောင်းတည်း။ (၁၀)

အပိုဒ် ၁၀၁

‘‘ဣတိ ဟေတံ ဝိဇာနာမ၊ ပဉ္စမော သော ပရာဘဝေါ။

ဆဋ္ဌမံ ဘဂဝါ ဗြူဟိ၊ ကိံ ပရာဘဝတော မုခံ’’။

မြန်မာပြန်

ထိုအကြောင်းသည် ပဉ္စမဖြစ်သော ပျက်စီးဆုတ်ယုတ်ကြောင်းဟု အကျွန်ုပ်တို့ သိရပါကုန်၏၊ မြတ်စွာဘုရား ဆဋ္ဌဖြစ်သော ပျက်စီးဆုတ်ယုတ်ကြောင်းကို ဟောတော်မူပါ၊ ဆဋ္ဌဖြစ်သော ပျက်စီးဆုတ်ယုတ်ကြောင်းကား အဘယ်ပါနည်း။ (၁၁)

အပိုဒ် ၁၀၂

‘‘ပဟူတဝိတ္တော ပုရိသော၊ သဟိရညော သဘောဇနော။

ဧကော ဘုဉ္ဇတိ သာဒူနိ၊ တံ ပရာဘဝတော မုခံ’’။

မြန်မာပြန်

အကြင်သူသည် များသော စည်းစိမ်ရှိသူ အသပြာရှိသူ စားဖွယ်နှင့် ပြည့်စုံသူ ဖြစ်ပါလျက် ကောင်းမြတ်သော ဘောဇဉ်တို့ကို တစ်ယောက်တည်း စားသုံး၏၊ ထိုသူ၏ ထိုစားသုံးခြင်းသည် ပျက်စီးဆုတ်ယုတ်ကြောင်းတည်း။ (၁၂)

အပိုဒ် ၁၀၃

‘‘ဣတိ ဟေတံ ဝိဇာနာမ၊ ဆဋ္ဌမော သော ပရာဘဝေါ။

သတ္တမံ ဘဂဝါ ဗြူဟိ၊ ကိံ ပရာဘဝတော မုခံ’’။

မြန်မာပြန်

ထိုအကြောင်းသည် ဆဋ္ဌဖြစ်သော ပျက်စီးဆုတ်ယုတ်ကြောင်းဟု အကျွန်ုပ်တို့ သိရပါကုန်၏၊ မြတ်စွာဘုရား သတ္တမဖြစ်သော ပျက်စီးဆုတ်ယုတ်ကြောင်းကို ဟောတော်မူပါ၊ သတ္တမဖြစ်သော ပျက်စီးဆုတ်ယုတ်ကြောင်းကား အဘယ်ပါနည်း။ (၁၃)

အပိုဒ် ၁၀၄

‘‘ဇာတိတ္ထဒ္ဓေါ ဓနတ္ထဒ္ဓေါ၊ ဂေါတ္တတ္ထဒ္ဓေါ စ ယော နရော။

သညာတိံ အတိမညေတိ၊ တံ ပရာဘဝတော မုခံ’’။

မြန်မာပြန်

အကြင်သူသည် အမျိုး ‘ဇာတိ’ မာန် ခက်ထန်၏၊ ဥစ္စာ ‘ဓန’ မာန်ခက်ထန်၏၊ အနွယ် ‘ဂေါတ္တ’ မာန်ခက်ထန်၏၊ မိမိဆွေမျိုးကိုလည်း မထီမဲ့မြင် ပြု၏၊ ထိုသူ၏ ထိုအကြောင်းလေးမျိုးသည် ပျက်စီးဆုတ်ယုတ်ကြောင်းတည်း။ (၁၄)

အပိုဒ် ၁၀၅

‘‘ဣတိ ဟေတံ ဝိဇာနာမ၊ သတ္တမော သော ပရာဘဝေါ။

အဋ္ဌမံ ဘဂဝါ ဗြူဟိ၊ ကိံ ပရာဘဝတော မုခံ’’။

မြန်မာပြန်

ထိုအကြောင်းသည် သတ္တမဖြစ်သော ပျက်စီးဆုတ်ယုတ်ကြောင်းဟု အကျွန်ုပ်တို့ သိရပါကုန်၏၊ မြတ်စွာဘုရား အဋ္ဌမဖြစ်သော ပျက်စီးဆုတ်ယုတ်ကြောင်းကို ဟောတော်မူပါ၊ အဋ္ဌမဖြစ်သော ပျက်စီးဆုတ်ယုတ်ကြောင်းကား အဘယ်ပါနည်း။ (၁၅)

အပိုဒ် ၁၀၆

‘‘ဣတ္ထိဓုတ္တော သုရာဓုတ္တော၊ အက္ခဓုတ္တော စ ယော နရော။

လဒ္ဓံ လဒ္ဓံ ဝိနာသေတိ၊ တံ ပရာဘဝတော မုခံ’’။

မြန်မာပြန်

အကြင်သူသည် မိန်းမကြူး သေသောက်ကြူး လောင်းကစားကြူးသည်ဖြစ်၍ ရတိုင်းရတိုင်းသော ဥစ္စာကို ဖျက်ဆီး၏၊ ထိုသူ၏ ထိုအကြောင်းသုံးမျိုးသည် ပျက်စီးဆုတ်ယုတ်ကြောင်းတည်း။ (၁၆)

အပိုဒ် ၁၀၇

‘‘ဣတိ ဟေတံ ဝိဇာနာမ၊ အဋ္ဌမော သော ပရာဘဝေါ။

နဝမံ ဘဂဝါ ဗြူဟိ၊ ကိံ ပရာဘဝတော မုခံ’’။

မြန်မာပြန်

ထိုအကြောင်းသည် အဋ္ဌမဖြစ်သော ပျက်စီးဆုတ်ယုတ်ကြောင်းဟု အကျွန်ုပ်တို့ သိရပါကုန်၏၊ မြတ်စွာဘုရား နဝမဖြစ်သော ပျက်စီးဆုတ်ယုတ်ကြောင်းကို ဟောတော်မူပါ၊ နဝမဖြစ်သော ပျက်စီးဆုတ်ယုတ်ကြောင်းကား အဘယ်ပါနည်း။ (၁၇)

အပိုဒ် ၁၀၈

‘‘သေဟိ ဒါရေဟိ အသန္တုဋ္ဌော၊ ဝေသိယာသု ပဒုဿတိ။

ဒုဿတိ ပရဒါရေသု၊ တံ ပရာဘဝတော မုခံ’’။

မြန်မာပြန်

အကြင်သူသည် မိမိမယားဖြင့် မရောင့်ရဲဘဲ ပြည့်တန်ဆာမတို့၌ ပြစ်မှား၏၊ သူတစ်ပါးမယားတို့၌ ပြစ်မှား၏၊ ထိုသူ၏ ထိုအကြောင်းနှစ်မျိုးသည် ပျက်စီးဆုတ်ယုတ်ကြောင်းတည်း။ (၁၈)

အပိုဒ် ၁၀၉

‘‘ဣတိ ဟေတံ ဝိဇာနာမ၊ နဝမော သော ပရာဘဝေါ။

ဒသမံ ဘဂဝါ ဗြူဟိ၊ ကိံ ပရာဘဝတော မုခံ’’။

မြန်မာပြန်

ထိုအကြောင်းသည် နဝမဖြစ်သော ပျက်စီးဆုတ်ယုတ်ကြောင်းဟု အကျွန်ုပ်တို့ သိရပါကုန်၏၊ မြတ်စွာဘုရား ဒသမဖြစ်သော ပျက်စီးဆုတ်ယုတ်ကြောင်းကို ဟောတော်မူပါ၊ ဒသမဖြစ်သော ပျက်စီးဆုတ်ယုတ်ကြောင်းကား အဘယ်ပါနည်း။ (၁၉)

အပိုဒ် ၁၁၀

‘‘အတီတယောဗ္ဗနော ပေါသော၊ အာနေတိ တိမ္ဗရုတ္ထနိံ။

တဿာ ဣဿာ န သုပတိ၊ တံ ပရာဘဝတော မုခံ’’။

မြန်မာပြန်

အရွယ်လွန်ပြီးသော ယောက်ျားသည် တည်သီးသဖွယ် ငယ်သော သားမြတ်ရှိသော မိန်းမငယ်ကို သိမ်းမြန်းဆောင်ယူ အိမ်သူ ပြုလုပ်၏၊ ထိုမိန်းမငယ်အား (ယောက်ျားတစ်ပါးအတွက်) စိတ်မချရသောကြောင့် မအိပ်နိုင်၊ ထိုမအိပ်နိုင်ခြင်းသည် ပျက်စီးခြင်း၏ အကြောင်းတည်း။ (၂၀)

အပိုဒ် ၁၁၁

‘‘ဣတိ ဟေတံ ဝိဇာနာမ၊ ဒသမော သော ပရာဘဝေါ။

ဧကာဒသမံ ဘဂဝါ ဗြူဟိ၊ ကိံ ပရာဘဝတော မုခံ’’။

မြန်မာပြန်

ထိုအကြောင်းသည် ဒသမဖြစ်သော ပျက်စီးဆုတ်ယုတ်ကြောင်းဟု အကျွန်ုပ်တို့ သိရပါကုန်၏၊ မြတ်စွာဘုရား ဧကာဒသမဖြစ်သော ပျက်စီးဆုတ်ယုတ်ကြောင်းကို ဟောတော်မူပါ၊ ဧကာဒသမဖြစ်သော ပျက်စီးဆုတ်ယုတ်ကြောင်းကား အဘယ်ပါနည်း။ (၂၁)

အပိုဒ် ၁၁၂

‘‘ဣတ္ထိံ သောဏ္ဍိံ ဝိကိရဏိံ၊ ပုရိသံ ဝါပိ တာဒိသံ။

ဣဿရိယသ္မိံ ဌပေတိ၊ တံ ပရာဘဝတော မုခံ’’။

မြန်မာပြန်

အကြင်သူသည် ငါး အမဲစသော အစားအစာတို့၌ မက်မောသော သဘောရှိသော (ဥစ္စာကို) စည်းကမ်းမဲ့ ဖရိုဖရဲပြုတတ်သော မိန်းမကိုသော်လည်းကောင်း ထိုသို့ သဘောရှိသော ယောက်ျားကိုသော်လည်းကောင်း အိမ်ထောင်ထိန်း အရာ၌ ထား၏၊ ထိုသူ၏ ထိုအကြောင်းသည် ပျက်စီးဆုတ်ယုတ်ကြောင်းတည်း။ (၂၂)

အပိုဒ် ၁၁၃

‘‘ဣတိ ဟေတံ ဝိဇာနာမ၊ ဧကာဒသမော သော ပရာဘဝေါ။

ဒွါဒသမံ ဘဂဝါ ဗြူဟိ၊ ကိံ ပရာဘဝတော မုခံ’’။

မြန်မာပြန်

ထိုအကြောင်းသည် ဧကာဒသမဖြစ်သော ပျက်စီးဆုတ်ယုတ်ကြောင်းဟု အကျွန်ုပ်တို့ သိရပါကုန်၏၊ မြတ်စွာဘုရား ဒွါဒသမဖြစ်သော ပျက်စီးဆုတ်ယုတ်ကြောင်းကို ဟောတော်မူပါ၊ ဒွါဒသမဖြစ်သော ပျက်စီးဆုတ်ယုတ်ကြောင်းကား အဘယ်ပါနည်း။ (၂၃)

အပိုဒ် ၁၁၄

‘‘အပ္ပဘောဂေါ မဟာတဏှော၊ ခတ္တိယေ ဇာယတေ ကုလေ။

သော စ ရဇ္ဇံ ပတ္ထယတိ၊ တံ ပရာဘဝတော မုခံ’’။

မြန်မာပြန်

အကြင်သူသည် ဥစ္စာနည်း၍ စည်းစိမ်ဥစ္စာတို့၌ တပ်မက်မှု ကြီးမား၏၊ မင်းမျိုး၌လည်း ဖြစ်၏၊ ထိုသူသည်ကား မင်းအဖြစ်ကို တောင့်တ၏၊ ထိုသူ၏ ထိုအကြောင်းသည် ပျက်စီးဆုတ်ယုတ်ကြောင်းတည်း။ (၂၄)

အပိုဒ် ၁၁၅

‘‘ဧတေ ပရာဘဝေ လောကေ၊ ပဏ္ဍိတော သမဝေက္ခိယ။

အရိယော ဒဿနသမ္ပန္နော၊ သ လောကံ ဘဇတေ သိဝ’’န္တိ။

မြန်မာပြန်

လောက၌ ဖြူစင် ကောင်းမြတ်၍ ဉာဏ်အမြင်နှင့် ပြည့်စုံသော ပညာရှိသည် ဤပျက်စီးဆုတ်ယုတ်ကြောင်းတို့ကို ကောင်းစွာ ကြည့်ရှုဆင်ခြင်၍ ရှောင်ရှားနိုင်သောကြောင့် ချမ်းမြေ့အေးမြသော နတ်ပြည် လောကသို့ ချဉ်းကပ်ရ၏”ဟု (မိန့်တော်မူ၏)။ (၂၅)

ပရာဘဝသုတ္တံ ဆဋ္ဌံ နိဋ္ဌိတံ။

မြန်မာပြန်

ခြောက်ခုမြောက် ပရာဘဝသုတ် ပြီး၏။

နောက်ခံ လေ့လာရန်

ပရာဘဝသုတ်

ဘုရားရှင် ကောသလနိုင်ငံ သာဝတ္ထိပြည် အနာထပိဏ်သူဌေး၏ အရံဖြစ်သော ဇေတဝန်ကျောင်း၌ သီတင်းသုံးတော်မူစဉ် အညတရ နတ်သား၏ မေးလျှောက်ချက်အရ-ပျက်စီးဆုတ်ယုတ်ကြောင်း “ပရာဘဝ”တရား ၂၄-ပါးတို့ကို ဘုရားရှင် ဟောတော်မူသည့်သုတ်။

အဋ္ဌကထာ၌ ပရာဘဝသုတ်ဖြစ်ပေါ်လာပုံနှင့် မရေမတွက်နိုင်သော နတ်ဗြဟ္မာများ တရားသိမြင် ကျွတ်တမ်းဝင်ပုံတို့ကို မှတ်သားဖွယ်ရာ ဖွင့်ဆိုချက်များဖြင့် ဖွင့်ဆိုထားပါသည်။

ဆဋ္ဌသင်္ဂါယနာ ပါဠိတော်နှင့် တိုက်ဆိုင်ချက်

ဤစာမျက်နှာရှိ ပါဠိသည် ဆဋ္ဌသင်္ဂါယနာ ပါဠိတော် ပရာဘဝသုတ္တံ (ခုဒ္ဒကနိကာယော၊ သုတ္တနိပါတပါဠိ၊ ဥရဂဝဂ္ဂေါ) ကို ကူးယူထားခြင်း ဖြစ်ပြီး မြန်မာပြန်ကို စာပိုဒ်နံပါတ်အလိုက် တွဲဖက်ထားသည်။

ပါဠိတော်နှင့် မြန်မာပြန် နှစ်ခုစလုံးတွင် ပထမ စာပိုဒ်နံပါတ် မတိုင်မီ နံပါတ်မတပ်ထားသော နိဒါန်းကို ‘နိဒါန်း’ ခေါင်းစဉ်ဖြင့် တွဲဖက်ထားသည်။

ပါဠိတော်တွင် [ ] ဖြင့် ပြထားသော အခြားမူများ၏ ပါဌ်ကွဲနှင့် ကိုးကားရန် ညွှန်ပြချက်များကို ပါဠိစာသားမှ ထုတ်၍ စာပိုဒ်အလိုက် ဤတွင် ဖော်ပြထားသည် —

စာလုံးပေါင်း အမှား စသည်တို့ကို ပြင်ဆင်ထားပြီး အောက်ခြေ မူရင်းအပိုင်းတွင် ဖော်ပြထားသည်။

မူရင်း: ဝီကီရင်းမြစ် (my.wikisource.org) — သုတ္တနိပါတ် ပါဠိတော် (ရေးသားသူ — သာသနာရေးဦးစီးဌာန) · လိုင်စင် CC BY-SA 4.0 · ရယူသည့်နေ့

မူရင်း: Vipassana Research Institute (tipitaka.org) — ပရာဘဝသုတ္တံ (ခုဒ္ဒကနိကာယော၊ သုတ္တနိပါတပါဠိ၊ ဥရဂဝဂ္ဂေါ) · လိုင်စင် Free for non-commercial use, with attribution to the Vipassana Research Institute · ရယူသည့်နေ့

မူရင်း: ဝီကီပီးဒီးယား (my.wikipedia.org) — ပရာဘဝသုတ် · လိုင်စင် CC BY-SA 4.0 · ရယူသည့်နေ့

နောက်ခံ လေ့လာရန် အပိုင်းသည် ဝီကီပီးဒီးယား စာမျက်နှာမှ အပိုင်းအချို့ကို ကောက်နုတ်ဖော်ပြခြင်း ဖြစ်သည်။ စာလုံးပေါင်း အမှားနှင့် ကျန်ခဲ့သော စကားလုံး စသည်ဖြင့် စာသား ၄၄ နေရာကို ပြင်ဆင်ထားပြီး အောက်တွင် စာရင်းပြုထားသည်။ ဤမှအပ စာသားကို မပြင်ထားပါ။

စာသား ပြင်ဆင်ချက် (၄၂)
  • ချဉ်းကပ်ပြီးလျှင်မြတ်စွာဘုရားကို → ချဉ်းကပ်ပြီးလျှင် မြတ်စွာဘုရားကို (နိဒါန်း မြန်မာပြန်)
  • ကြားနာခဲ့ရပါသည်-အခါတစ်ပါး၌ → ကြားနာခဲ့ရပါသည်- အခါတစ်ပါး၌ (နိဒါန်း မြန်မာပြန်)
  • ဤဂါထာဖြင့်လျှောက်၏ → ဤဂါထာဖြင့် လျှောက်၏ (နိဒါန်း မြန်မာပြန်)
  • အကျွန်ုပ်တို့မေးလျှောက်ပါကုန်၏ → အကျွန်ုပ်တို့ မေးလျှောက်ပါကုန်၏ (အပိုဒ် ၉၁၊ မြန်မာပြန်)
  • မတောင့်တမုန်းထားသူသည် → မတောင့်တ မုန်းထားသူသည် (အပိုဒ် ၉၂၊ မြန်မာပြန်)
  • သိရန်လွယ်ကူလှပေ၏ → သိရန် လွယ်ကူလှပေ၏ (အပိုဒ် ၉၂၊ မြန်မာပြန်)
  • ကြောင်းကို့ဟောတော်မူပါ → ကြောင်းကို ဟောတော်မူပါ (အပိုဒ် ၉၃၊ မြန်မာပြန်)
  • ပဌမ ဖြစ်သော → ပဌမဖြစ်သော (အပိုဒ် ၉၃၊ မြန်မာပြန်)
  • သူတော် ကောင်းတို့ကို → သူတော်ကောင်းတို့ကို (အပိုဒ် ၉၄၊ မြန်မာပြန်)
  • ထိုသုံးမျိုးသည်ပျက်စီး → ထိုသုံးမျိုးသည် ပျက်စီး (အပိုဒ် ၉၄၊ မြန်မာပြန်)
  • ပျက်စီးဆုတ်ယုတ် ကြောင်း → ပျက်စီးဆုတ်ယုတ်ကြောင်း (အပိုဒ် ၉၅၊ မြန်မာပြန်)
  • တတိယ ဖြစ်သော → တတိယဖြစ်သော (အပိုဒ် ၉၅၊ မြန်မာပြန်)
  • မွေ့လျော် လေ့ → မွေ့လျော်လေ့ (အပိုဒ် ၉၆၊ မြန်မာပြန်)
  • ထိုသူ၏ထိုအကြောင်း → ထိုသူ၏ ထိုအကြောင်း (အပိုဒ် ၉၆၊ မြန်မာပြန်)
  • ပျက်စီးဆုတ်ယုတ် ကြောင်း → ပျက်စီးဆုတ်ယုတ်ကြောင်း (အပိုဒ် ၉၆၊ မြန်မာပြန်)
  • ပျက်စီးဆုတ်ယုတ် ကြောင်း → ပျက်စီးဆုတ်ယုတ်ကြောင်း (အပိုဒ် ၉၇၊ မြန်မာပြန်)
  • ပျက်စီးဆုတ်ယုတ် ကြောင်း → ပျက်စီးဆုတ်ယုတ်ကြောင်း (အပိုဒ် ၉၉၊ မြန်မာပြန်)
  • ဖိတ် ကြားပြီး → ဖိတ်ကြားပြီး (အပိုဒ် ၁၀၀၊ မြန်မာပြန်)
  • ဖြင့်လှည့်ပတ်၏ → ဖြင့် လှည့်ပတ်၏ (အပိုဒ် ၁၀၀၊ မြန်မာပြန်)
  • ပျက်စီးဆုတ်ယုတ် ကြောင်း → ပျက်စီးဆုတ်ယုတ်ကြောင်း (အပိုဒ် ၁၀၁၊ မြန်မာပြန်)
  • ပဉ္စမ ဖြစ်သော → ပဉ္စမဖြစ်သော (အပိုဒ် ၁၀၁၊ မြန်မာပြန်)
  • ဆဋ္ဌ ဖြစ်သော → ဆဋ္ဌဖြစ်သော (အပိုဒ် ၁၀၁၊ မြန်မာပြန်)
  • ဖြစ်ပါလျက်ကောင်းမြတ်သော → ဖြစ်ပါလျက် ကောင်းမြတ်သော (အပိုဒ် ၁၀၂၊ မြန်မာပြန်)
  • ပျက်စီးဆုတ်ယုတ် ကြောင်း → ပျက်စီးဆုတ်ယုတ်ကြောင်း (အပိုဒ် ၁၀၃၊ မြန်မာပြန်)
  • ဆဋ္ဌ ဖြစ်သော → ဆဋ္ဌဖြစ်သော (အပိုဒ် ၁၀၃၊ မြန်မာပြန်)
  • မာန်ခက် ထန်၏ → မာန်ခက်ထန်၏ (အပိုဒ် ၁၀၄၊ မြန်မာပြန်)
  • ထိုသူ၏ထိုအကြောင်း → ထိုသူ၏ ထိုအကြောင်း (အပိုဒ် ၁၀၄၊ မြန်မာပြန်)
  • ပျက်စီးဆုတ်ယုတ် ကြောင်း → ပျက်စီးဆုတ်ယုတ်ကြောင်း (အပိုဒ် ၁၀၅၊ မြန်မာပြန်)
  • ရတိုင်း့ရတိုင်းသော → ရတိုင်းရတိုင်းသော (အပိုဒ် ၁၀၆၊ မြန်မာပြန်)
  • ပျက်စီးဆုတ်ယုတ် ကြောင်း → ပျက်စီးဆုတ်ယုတ်ကြောင်း (အပိုဒ် ၁၀၇၊ မြန်မာပြန်)
  • ပျက်စီးဆုတ်ယုတ် ကြောင်း → ပျက်စီးဆုတ်ယုတ်ကြောင်း (အပိုဒ် ၁၀၉၊ မြန်မာပြန်)
  • သား မြတ်ရှိသော → သားမြတ်ရှိသော (အပိုဒ် ၁၁၀၊ မြန်မာပြန်)
  • ပျက်စီးဆုတ်ယုတ် ကြောင်း → ပျက်စီးဆုတ်ယုတ်ကြောင်း (အပိုဒ် ၁၁၁၊ မြန်မာပြန်)
  • အကြောင်းသည်ပျက်စီး → အကြောင်းသည် ပျက်စီး (အပိုဒ် ၁၁၂၊ မြန်မာပြန်)
  • အကျွန်ုပ်တို့သိရပါကုန်၏ → အကျွန်ုပ်တို့ သိရပါကုန်၏ (အပိုဒ် ၁၁၃၊ မြန်မာပြန်)
  • ပျက်စီးဆုတ်ယုတ် ကြောင်း → ပျက်စီးဆုတ်ယုတ်ကြောင်း (အပိုဒ် ၁၁၃၊ မြန်မာပြန်)
  • ထို အကြောင်းသည်ပျက်စီး → ထိုအကြောင်းသည် ပျက်စီး (အပိုဒ် ၁၁၄၊ မြန်မာပြန်)
  • ဉာဏ်အမြင်နှင့်ပြည့်စုံသော → ဉာဏ်အမြင်နှင့် ပြည့်စုံသော (အပိုဒ် ၁၁၅၊ မြန်မာပြန်)
  • ပညာရှိသည်ဤ → ပညာရှိသည် ဤ (အပိုဒ် ၁၁၅၊ မြန်မာပြန်)
  • ဘုရားရှင် ကောသလနိုင်ငံ ... သီတင်းသုံးတော်မူစဉ် → ဘုရားရှင် ကောသလနိုင်ငံ သာဝတ္ထိပြည် အနာထပိဏ်သူဌေး၏ အရံဖြစ်သော ဇေတဝန်ကျောင်း၌ သီတင်းသုံးတော်မူစဉ် (နောက်ခံ)
  • ဒာ → ဒါ (ပါဠိ၊ ၃ ကြိမ်) — VRI မူတွင် ဒ နောက်၌ ရေးချ ဖြင့် ‘ဒာ’ ဟု ရေးထားရာ ‘အ’ ဟု မှားဖတ်နိုင်သဖြင့် မြန်မာ စာလုံးပေါင်းအတိုင်း မောက်ချ ဖြင့် ‘ဒါ’ ဟု ပြထားသည်။ အသံနှင့် အဓိပ္ပာယ် မပြောင်းပါ။
  • ဒွာ → ဒွါ (ပါဠိ) — VRI မူတွင် ဒွ နောက်၌ ရေးချ ဖြင့် ‘ဒွာ’ ဟု ရေးထားရာ ‘အွ’ ဟု မှားဖတ်နိုင်သဖြင့် မြန်မာ စာလုံးပေါင်းအတိုင်း (ဒွါရ ကဲ့သို့) မောက်ချ ဖြင့် ‘ဒွါ’ ဟု ပြထားသည်။ အသံနှင့် အဓိပ္ပာယ် မပြောင်းပါ။